Nicole Kidman hap zemrën

Bota e Yjeve

Nicole Kidman hap zemrën

Nga: Bota sot Më: 11 mars 2026 Në ora: 21:10
Nicole Kidman

Aktorja e njohur hollivudiane Nicole Kidman ka thyer heshtjen për herë të parë pas divorcit të saj të fundit nga këngëtari australian Keith Urban. Në një intervistë të re për revistën Variety, ylli i filmit dhe televizionit foli hapur për periudhën e vështirë personale dhe mënyrën se si ka zgjedhur ta përballojë atë.

Kidman tregoi se gjatë vitit të kaluar ishte tërhequr nga vëmendja publike, duke kaluar një periudhë reflektimi dhe qetësie. “Vitin e kaluar isha e heshtur. Kisha gjëra të tjera që po ndodhnin. Isha në guaskën time,” u shpreh ajo.

Aktorja, e cila së shpejti do të shfaqet në projektin televiziv Scarpetta, theksoi se pavarësisht ndryshimeve në jetën personale, fokusin e ka te gjërat pozitive dhe mbi të gjitha te familja.

Image
Nicole Kidman

“Gjithmonë do të lëviz drejt asaj që është e mirë. Ajo për të cilën jam mirënjohëse është familja ime dhe ruajtja e saj ashtu siç është, duke ecur përpara. Kaq është. Gjithçka tjetër nuk e diskutoj nga respekti,” deklaroi ajo.

Kidman shtoi se marrëdhënia familjare mbetet e fortë, pavarësisht ndarjes. “Po qëndroj në një vend ku them: ‘Ne jemi një familje’, dhe kështu do të vazhdojmë të jemi. Vajzat e mia të bukura, të dashurat e mia, që papritur janë bërë gra.”

Image
Nicole Kidman

Deklarata e saj konsiderohet si reagimi i parë publik pas lajmeve për ndarjen nga Urban, një marrëdhënie që për vite me radhë ishte parë si një nga më të qëndrueshmet në botën e showbiz-it. Për momentin, aktorja ka zgjedhur të mbajë një qasje diskrete, duke vënë në plan të parë privatësinë dhe mirëqenien e familjes së saj.

comment Për komente lëvizni më poshtë
Sot mund të lexoni Shfletoni kopertinat