Shqiptarit i del xhelozia jashtë kontrollit, lidh në karrige dhe i lë shenja me thikë bashkëjetueses

Diaspora

Shqiptarit i del xhelozia jashtë kontrollit, lidh në karrige dhe i lë shenja me thikë bashkëjetueses

Më: 4 shtator 2021 Në ora: 10:40
Ilustrim

Një shqiptar 40-vjeç që banonte në Bolzano u arrestua nga policia italiane me akuza të rënda për rrëmbim, torturë dhe keqtrajtim në familje.

Viktima e dhunës ishte partnerja e tij që bashkëjetonte. Gruaja në fjalë  prej muajsh kishte pësuar keqtrajtime të ndryshme, të shkaktuara nga xhelozia e burrit.

Episodi më serioz, për të cilin ai akuzohet për rrëmbim dhe torturë, daton rreth dhjetë ditë më parë: gruaja u lidh në një karrige dhe u torturua për dy orë, me një thikë të drejtuar disa herë në gjoks. Ai i preu lëkurën me thikë duke i lënë shenja që me shumë mundësi do t’i mbesin për gjatë gjithë jetës.

40-vjeçari e kishte shoqëruar gruan në spital, por ajo u kishte thënë mjekëve se kishte rënë nga biçikleta. Megjithatë hetimet kishin filluar dhe gruaja më pas u kishte shpjeguar hetuesve se ajo ishte në të vërtetë viktima e keqtrajtimit të partnerit të saj, i cili më pas u arrestua.

Sipas shpjegimeve që ka bërë 40-vjeçari i arrestuar, bashkëjetuesja e tij gënjen pasi është droguar dhe fillon të shpikë skena.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat