Kroatët do të mund të vijnë lirisht në Zvicër për punë nga 1 janari 2022.
Këshilli Federal miratoi të premten një rishikim të pjesshëm për këtë qëllim të urdhëresës për lëvizjen e lirë të personave, njofton gazeta zvicerane në shqip Le Canton27.ch
Nuk ka më një çekuilibër të dukshëm në tregun e punës. Kështu, punëtorët kroatë do të jenë të barabartë me ata nga vendet e tjera anëtare të BE-së ose të Shoqatës Evropiane të Tregtisë së Lirë (EFTA).
Zvicra do të jetë në gjendje të përdorë klauzolën mbrojtëse nëse imigrimi i punëtorëve kroatë duhet të kalojë një prag të caktuar.
Mund të kufizojë numrin e tyre nga 1 janari 2023 dhe më së voni deri në fund të vitit 2026. Në fund të vitit 2020, 28,324 kroatë banonin në Zvicër. Kjo përfaqëson 1.9% të të gjithë shtetasve të BE-së dhe EFTA-s në Zvicër.
Ky është një lajm i mirë edhe për shqiptarët me pasaporta kroate!
Këtu bëhet fjalë për mbi 10 mijë shqiptarë që jetojnë në Kroaci, si shtetas kroat.
Vendimi ishte marrë tashmë nga Këshilli Federal në mbledhjen e 1 tetorit dhe ishte shpallur në fund të tetorit nga Sekretariati Shtetëror për Migracionin.
Delegacioni zviceran e informoi zyrtarisht BE-në në takimin e 24-të të Komitetit të Përbashkët Zviceran të Bashkimit Evropian lidhur me marrëveshjen për lëvizjen e lirë të personave.
