Edinjo Pulti, i dyshuar për një tentativë vrasjeje dhe i kërkuar në mbarë botën, shpall pafajësinë e tij në një email drejtuar Luxemburger Wort.
Ai pretendon se nuk është vrasës dhe nuk ka pasur kurrë armë, por se shtypi i ka përhapur të gjitha akuzat e rreme ndaj tij. Ndaj dhe ka dhënë versionin e tij të historisë me një email.
Autoritetet në Luksemburg e kanë shpallur Pultin si person në kërkim, pasi ai akuzohet për vrasje në 2 gusht 2022 në Petange.
Ai akuzohet se ka goditur me thikë dy burra. Sipas policisë, njëri nga burrat ka pësuar lëndime të rënda në pjesën e barkut. Prej janarit të vitit 2021, 42-vjeçari është subjekt i një urdhër-arresti europian dhe ndërkombëtar me urdhër të gjyqtarit përgjegjës për hetimin.
Sipas mediave në Luksembur, Pulti ndodhet në Shqipëri. Ai është arrestuar njëherë, por është lënë i lirë, pas disa problemeve me procedurat e ekstradimit.
Më konkretisht Pulti ka shkruar:
Lajmet tuaja të rreme po qarkullojnë kudo nëpër media, gjë që ka shkatërruar imazhin tim dhe ka sjellë shqetësime tek familja ime. Shpresoj shumë që pasi hetuesit të zbardhin gjithçka ka ndodhur, ju ta publikoni ngjarjen e vërtetë dhe të tërhiqni akuzat e padrejta që keni publikuar ndaj meje.
E vërteta e Edinjo Pultit është kjo. Ai nuk ka mbajtur kurrë armë, madje as thikë, apo ndonjë nga armët e tjera të përmendura në botime. Ai kurrë nuk ka lënduar askënd, në asnjë moment. Atë mbrëmje, ai dhe shokët e tij thuhet se u përpoqën të largoheshin nga vendi i ngjarjes. Sulmi me thikë dyshohet se është kryer nga një person tjetër që e kishte ndjekur më parë dhe e kishte goditur atë dhe shokët e tij në makinë.
Unë kurrë nuk kam pasur armë me vete, as thikë, as ndonjë armë tjetër që ju përmendët në botimin tuaj. Gjithashtu dua të sqaroj se nuk kam lënduar askënd në asnjë moment.
Pothuajse në të njëjtën kohë, të afërmit e të kërkuarit informoi Luxemburger ëort se Pulti ishte i dëshpëruar, se ishte i kërcënuar dhe se kishte muaj që po përpiqej të kthehej në Luksemburg. Ai donte të përballej me akuzat. Por, kjo nuk ndodhi kurrë. Me sa dimë, Edinjo Pulti vazhdon t'i shmanget kontrolleve të autoriteteve të ndjekjes penale të Luksemburgut.
Të mërkurën, ai dërgon një e-mail në Luxemburger ëort. Ai identifikohet aty me një kopje të pasaportës dhe saktëson se ka kontaktuar policinë e Luksemburgut për t'u dhënë hetuesve shpjegime për ngjarjet. Megjithatë, këta nuk do t'i kishin dhënë pëlqimin. Për këtë arsye ai u ka dërguar hetuesve një deklaratë me shkrim në të cilën ka shpjeguar më shumë detaje për “të vërtetën për këtë ngjarje”.
Vetëm një provë - një video do të luajë një rol në hetime dhe do të përcaktojë nëse versioni i Pultit përputhet vërtet me realitetin. Është thuajse e sigurt që policia e ka në posedim prej kohësh filmin origjinal. Imazhet e YouTube janë, në të vërtetë. Por që të zhvillohej një gjyq, Edinjo Pulti fillimisht duhej të shkonte në gjykatat e Luksemburgut, ose të arrestohej.
Deri atëherë, ai është ende në kërkim...
