Aksident tragjik me disa makina të përfshira/ Çifti shqiptar në gjendje kritike për jetën

Diaspora

Aksident tragjik me disa makina të përfshira/ Çifti shqiptar në gjendje kritike për jetën

Më: 30 nëntor 2022 Në ora: 10:25
Çifti i bashkëshortëve janë dërguar në gjendje shumë të rëndë në spitalin Sant’Andrea.

Një çift shqiptarësh janë në gjendje të rëndë në spital pas një aksidenti të frikshëm rrugor që ka ndodhur mbrëmjen e djeshme pak para orës 20:00 në Marola.

Sipas mediave italiane, në aksident janë përfshirë tre makina, ku më rëndë janë plagosur shoferi dhe pasagjerja, burrë e grua të dy me origjinë shqiptare, të një Audi A3, pjesa e përparme e të cilit u shkatërrua plotësisht.

Çifti i bashkëshortëve janë dërguar në gjendje shumë të rëndë në spitalin Sant’Andrea.

Mësohet se makina po ecte në drejtim të qytetit, dyshohet me shpejtësi mjaft të madhe, kur fillimisht goditi një makinë të bardhë në të cilën ndodheshin dy të rinj e më pas u përplas me një makinë tjetër ku ndodhej një person.

Të tre personat që ndodheshin në dy makinat e tjera nuk kanë pësuar lëndime të rënda. Policia italiane ka nisur hetimet për aksidentin e rëndë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat