Lëvizja e grilave zbulon bimët e kanabisit me vlerë marramendëse, arrestohet 20-vjeçari shqiptar

Diaspora

Lëvizja e grilave zbulon bimët e kanabisit me vlerë marramendëse, arrestohet 20-vjeçari shqiptar

Më: 2 dhjetor 2022 Në ora: 11:54
E teksa e rrethuan zonën, në shtëpi mbërriti shqiptari R. Tafa, i cili u vu në pranga

“Lëvizja në mënyrë konstante” e grilave të dritareve të mbyllyra të një shtepie çoi në zbulimin e plot 5 dhomave të mbushura me bimë kanabisi.

Oficerët e policisë dyshuan se lëvizja e grilave shkaktohej nga ventilimi, i përdorur zakonisht për prodhimin e drogës. Për këtë arsye ata shkuan për kontroll në pronën në fjalë që ndodhej në Ashton Avenue në Harehills.

Ata u detyruan që ta hapnin derën me forcë për shkak se ishte e përforcuar dhe kur arritën të futeshin brenda, gjetën plot 5 dhoma të mbushura me bimë kanabisi, vlera e së cilave shkonte në 92 mijë paundë. E teksa e rrethuan zonën, në shtëpi mbërriti shqiptari R. Tafa, i cili u vu në pranga.

Shenjat e tij të gishtave u gjetën në ventilatorët që përdoreshin për të rritur bimët. 20-vjeçari, i cili nuk kishte precedentë të mëparshëm penale, pranoi se kujdesej për kultivimin e drogës. Gjykata e dënoi 20-vjeçarin më 26 muaj burg.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat