I riu shqiptar vret partneren 19-vjeçare në Greqi: Isha xheloz

Diaspora

I riu shqiptar vret partneren 19-vjeçare në Greqi: Isha xheloz

Më: 3 dhjetor 2022 Në ora: 11:49
Policia

Një krim i rëndë ka ndodhur në zonën e Pireut në Greqi, ku një shqiptar ka vrarë me armë zjarri partneren e tij 19-vjeçare.

Sipas të dhënave të mediave greke, edhe vajza që mbeti e vrarë është gjithashtu me origjinë shqiptare.

Krimi ndodhi në orët e para të mëngjesit të së shtunës, kur të dy ishin kthyer në shtëpi pas punëve respektive. Pas vrasjes, autori, një 25-vjeçar shqiptar identiteti i të cilit nuk është bërë publik, shkoi vetë në polici dhe u dorëzua.

Ai u tregoi hetuesve se kishte vrarë partneren e tij 19-vjeçare. Sipas tij, ai ishte xheloz për të dashurën. Fillimisht ka patur një sherr mes tyre, sipas raportimeve nga mediat greke që i referohen burimeve policore për dëshminë e 25-vjeçarit.

Më pas, e qëlloi dy herë me pistoletë 19-vjeçaren duke e lënë të vdekur në vend. Dyshohet se shqiptari ka qenë edhe nën efektin e kokainës kur vrau partneren. Ai u ka treguar hetuesve grekë se pistoletën ua kishte marrë disa rumunëve një vit më parë.

Pas vetëdorëzimit të 25-vjeçarit, policia shkoi në banesën e çiftit dhe aty gjeti trupin e pajetë të 19-vjeçares shqiptare. Autori është arrestuar.

I riu punonte në një lokal nate, ndërsa viktima në një dyqan në lagjen “Kalithea” të Athinës.

Policia greke heton rrethanat dhe shkaqet e plota të ngjarjes tragjike. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat