Operacion antidrogë në Ekuador dhe Spanjë/ 13 të arrestuar, mes të cilëve edhe shqiptarë

Diaspora

Operacion antidrogë në Ekuador dhe Spanjë/ 13 të arrestuar, mes të cilëve edhe shqiptarë

Më: 30 maj 2025 Në ora: 16:40
Operacion antidrogë në Ekuador dhe Spanjë

Një aksion i ri kundër trafikimit të drogës i kryer në Guayas dhe Pichincha të Ekuadorit, çoi në 13 persona të arrestuar në bastisje të njëkohshme, mes të cilëve edhe shtetas shqiptarë. Aksioni u drejtua nga Fiscalía General del Estado dhe Policia Kombëtare e Ekuadorit, si pjesë e operacionit Gran Fénix 23.

Hetimet e nisura në vitin 2024 zbuluan se një organizatë kriminale transnacionale, e dyshuar e lidhur me "Los Chonekillers", dërgoi drogë në Spanjë të kamufluar në eksporte të ligjshme. Ngarkesa e paligjshme përbëhej nga kokainë e fshehur në kontejnerë ajri.

Autoritetet konfirmuan pjesëmarrjen e zyrtarëve publikë ekuadorianë, të cilët lehtësuan nisjen e dërgesave nga Ekuadori. Në territorin spanjoll, shqiptarët e identifikuar janë janë përgjegjës për mbledhjen dhe logjistikën e trafikimit të drogës. Kjo lidhje dëshmon shtrirjen ndërkombëtare të trafikut të drogës, e cila përfshin rrjete të strukturuara mirë.

Gjatë bastisjeve, u sekuestruan:

165 kilogramë kokainë

14 telefona celularë

2 kompjuterë personalë

Përveç kësaj, u ndaluan 13 persona, 4 prej të cilëve me precedentë penalë. Në Spanjë, u kapën 4 shtetas të huaj, të dyshuar si përgjegjës për pjesën logjistike të rrjetit kriminal. Operacioni Gran Fénix 23 u arrit falë bashkëpunimit dypalësh midis Policisë së Ekuadorit dhe Policisë së Spanjës.

comment Për komente lëvizni më poshtë
Sot mund të lexoni Shfletoni kopertinat