Një atentat me armë zjarri është regjistruar mbrëmjen e sotme rreth orës 20:30 në Kalamata të Greqisë. Sipas asaj që raportojnë mediat ndërkombëtare, viktimë kanë mbetur dy persona, njëri prej tyre me origjinë shqiptare.
Të dy personat janë gjetur të vrarë në një zonë kampingu.
Shtetasi grek, rreth moshës 70 vjeç, rezulton të jetë pronari i kampingut ku ka ndodhur ngjarja ndërsa shqiptari i moshës 50-vjeçare, është qëlluar pas shpine në tentativë e sipër për t’i shpëtuar ekzekutorëve.
Deri më tani nuk janë bërë me dije identitetet e viktimave apo dhe rrethanat e plota të ngjarjes ndërsa të tjera detaje priten të bëhen publike në vijim.
