Kosova do të jetë nikoqire e Suedisë në kuadër të kualifikimeve për Kampionatin Botëror ‘Katari 2022’.
Për Dardanët do të jetë kjo ndeshja e parë kualifikuese në këtë cikël eliminatoresh, derisa për Suedinë e dyta, pasi kanë filluar ndaj Gjeorgjisë që e mposhtën 1-0.
Suedezët do të mbërrijnë sot në kryeqytetin kosovar Prishtinë, derisa do ta kryejnë edhe një seancë stërvitore.
Seancë stërvitore para ndeshjes do të mbajë edhe Përfaqësuesja e Kosovës, derisa të parët që do të zbresin në fushën e stadiumin ‘Fadil Vokrri’ janë mysafirët.
Të udhëhequr nga Zlatan Ibrahimovic, Suedia do të fillojë stërvitjet në ora 17:30, derisa Kosova nis stërvitjet në ora 19:00.
Njoftimi i plotë nga FFK:
Ju njoftojmë me agjendën e Kombëtares së Kosovës dhe Kombëtares së Suedisë për datën 27.03.2021.
17:30 – Stërvitja e Kombëtares së Suedisë (15 minutat e para të hapura për media)
18:00 – Konferenca për media e Kombëtares së Kosovës
18:40 – Konferenca për media e Kombëtares së Suedisë
19:00 – Stërvitja e Kombëtares së Kosovës (15 minutat e para të hapura për media)
Në konferencat për media mund të jenë të pranishëm vetëm 12 gazetarë që janë akredituar për sallën e konferencave.
