Barcelona “blindon” mbrojtësin e ri

Futboll

Barcelona “blindon” mbrojtësin e ri

Më: 20 nëntor 2026 Në ora: 17:30
Futbollisti Xavi Espart

Xavi Espart do të vazhdojë që të jetë pjesë e ekipit të Barcelonës. Klubi katalanas dhe mbrojtësi i talentuar spanjoll, kanë rënë dakord për të zgjatur bashkëpunimin mes tyre.

Kështu, Espart ka firmosur kontratën e re, e cila e mban të lidhur me skuadrën e Hansi Flick deri në verën e vitit 2030.

“Që kur isha fëmijë, ky klub ka qenë ëndrra ime”, tha mbrojtësi i krahut pas firmës.

Kujtojmë se 19-vjeçari është një “prodhim” i Barcelonës, duke u formuar në akademinë e La Masia. Këtë sezon, ai fitoi besimin e trajnerit Flick, duke luajtur disa ndeshje titullar.

Gjithashtu, Espart ka luajtur edhe dy ndeshje me kombëtaren e Spanjës U21, por ende nuk ka bërë debutimin e tij me përfaqësuesen A dhe është në pritje të një ftese nga Luis de la Fuente.

Sot mund të lexoni Shfletoni kopertinat