Jose Mourinho ndodhet në mes të disa polemikave mediatike. Çfarë mund të kërkosh më shumë nga jeta dhe nga një konferencë për shtyp të premten në mëngjes?
Real Madridi do të luajë nesër kundër Celta Vigos dhe Mourinho flet për Endrickun, i cili pëlqehet nga klubet italiane.
Mourinho u shpreh kështu për Endrickun:
“Dëgjoni, për mua situata është shumë e qartë. Për mua, Real Madridi është më i rëndësishëm se Endricku.
Unë e dua shumë Endrickun, kam një dashuri të madhe për të. Ai është një djalosh fantastik.
Real Madridi ka nevojë për të, trajneri i Real Madridit ka nevojë për të.”
Më pas, Mourinho vazhdoi:
“Ja përgjigjja ime. E keni ju, e kanë ata që shkruajnë për këtë çështje, e kanë agjentët e tij dhe e kanë të gjitha klubet që dërgojnë informacione nëpër gazeta.
Të gjithë e kanë përgjigjen time.
Pastaj, nëse drejtuesit e lartë të Real Madridit, pra eprorët e mi, vendosin diçka ndryshe, në futbollin e sotëm një vendim i tillë duhet respektuar.”
Çfarë nënkupton deklarata?
Mourinho po e bën të qartë se dëshiron ta mbajë Endrickun në skuadër, sepse e konsideron të rëndësishëm për Real Madridin.
Megjithatë, ai pranon se vendimi përfundimtar për të ardhmen e brazilianit u takon drejtuesve të klubit.
Kjo do të thotë se Milani dhe Roma mund të vazhdojnë të shpresojnë për transferimin e tij, nëse Real Madridi vendos ta lejojë largimin.