Lionel Mesi është futbollisti i parë në histori që shënon të paktën 25 gola në 12 sezone radhazi në 5 ligat më të mira të Evropës.
Argjentinasi është duke kaluar në një formë shumë të mirë, ku arriti që të shënojë 2 gola dhe të asistojë një herë në ndeshjen ndaj Getafes.
Në këtë ndeshje, Mesi është shpallur si lojtari më i vlerësuar dhe “mbreti i ndeshjes” nga mediumi RAC1.
Gjatë gjithë këtij sezoni, kapiteni i Barcelonës ka shënuar 31 gola në të gjitha garat. Ndeshja e ardhshme e “blaugranëve” do të jetë ndaj Viljarealit më 25 prill.
