Chelsea është kthyer në rrugë

Futboll

Chelsea është kthyer në rrugë

Më: 24 prill 2021 Në ora: 13:26
Chelsea është kthyer në rrugë

Chelsea është kthyer në rrugë nën drejtimin e trajnerit gjerman Thomas Tuchel, ndërsa mesfushori italo-brazilian Jorginho nuk ka përdorur aspak diplomaci duke folur parë ish teknikun e londinezëve, Franck Lampard.

Mesfushori pranoi se ndonëse ka qenë një legjendë e Chelsea-t, Lampard nuk kishte eksperiencën e duhur për të drejtuar në nivele të tilla, teksa e ka quajtur edhe shkaktarin kryesor të momentit të vështirë që kaluan londinezët.

“Dua të jem shumë i ndershëm në atë që them. Duke qenë një legjendë e klubit, ai nuk i kaloi të gjithë hapat për t’u bërë trajner i aftë për nivele të tilla. Ka ardhur në klubin ku ishte legjendë, pa eksperiencën e duhur dhe kjo na kushtoi jo pak”, deklaroi Jorginho.

Në vitin e parë të Lampard në “Stamford Bridge”, mesfushori italo-brazilian ishte titullar i padiskutueshëm, ndërsa më pas këtë sezon luajti nga minuta e parë vetëm 11 nga 18 takimet në kampionat, pasi diçka në raportin mes të dyve dukej se ishte thyer.

comment Për komente lëvizni më poshtë
Sot mund të lexoni Shfletoni kopertinat