Vllaznia mobilizohet kundër Partizanit

Futboll

Vllaznia mobilizohet kundër Partizanit

Më: 25 shtator 2021 Në ora: 17:28
Vllaznia mobilizohet kundër Partizanit

Esin Hakaj u rikthye te Vllaznia pas 5 sezonesh dhe menjëherë mori fanellën e titullarit në krahun e majtë të mbrojtjes, ndërsa nesër do të shohë përballë Partizanin, klub në të cilin ka luajtur më së shumti sezonet e fundit.

Në konferencën për shtyp në krah të trajnerit Brdariç, mbrojtësi deklaroi se është përshtatur mirë me këtë rikthim në shtëpi, teksa sfidën me Partizanin pranoi se e trajton me emocion të veçantë.

"Një rikthim shumë i bukur dhe në radhë të parë dua të falënderoj të gjithë për pritjen që më kanë bërë sepse ishin 5 vite që isha larg Vllaznisë dhe dukesha si i huaj. Të gjithë djemtë si Kruja, Adili, Krymi dhe shumë të tjerë, por edhe stafi teknik ma bënë përshtatjen shumë shpejt", tha ai.

Një përballje e veçantë për ju kjo ndaj Partizanit?

"Kam qenë prej tre vitesh tek Partizani dhe kam luajtur një vit rregullisht, ndërsa vitet e tjera nuk kam qenë titullar. Normalisht kur luan ndaj një ish-ekipi ka emocion dhe është ndeshje shumë e fortë. Partizani ka një ekip të mirë, por edhe ne kemi një skuadër shumë më të fortë se ta", tha Hakaj.

Shfaq komentet
comments powered by Disqus
Sot mund të lexoni Shfletoni kopertinat