Ylli i PSG-së, Lionel Messi është duke kaluar startin më të dobët në ligë që 16 vite pas barazimit nga Marseille në Ligue 1.
Gjashtë herë fituesi i Topit të Artë mbeti i zemëruar me “Parisienët” që lëshuan pikë për herë të dytë këtë sezon, kurse një aksion i nisur nga Messi u ndalua pasi një tifoz hyri në fushë.
Argjentinasi ka shënuar tre gola në tre ndeshje për PSG-në në Ligën e Kampionëve, por është pa gol dhe asistim në katër ndeshje në Ligue 1.
Duke pasur katër përpjekje, Messi është duke kaluar startin me të dobët që nga sezoni 2005-06, kur ishte vetëm 18-vjeç.
Iu nevojiten Messit gjashtë ndeshje para se të shënoi golin e parë në La Liga gjatë sezonit 2005-06 dhe e mbylli atë sezon me gjashtë gola në 17 paraqitje, ngase dy muajt e fundit pësoi lëndim muskulor.
Messi mund të shpëtojë nga kjo vuajtje të premten e ardhshme, në rast që shënon kundër kampionit momental të Francës, Lille në “Parkun e Princave”.
