Newcastle po shikon nga Holanda me këmbëngulje.
Pronarët e rinj të klubit anglez po mendojnë seriozisht që Marc Overmars të marrë rolin e drejtorit teknik.
Sipas “De Telegraaf”, drejtuesi aktual i Ajax mund të transferohet në Angli qysh në janar, për të pasur kohë që të ndërtojë një ekip të madh përpara sezonit të ardhshëm.
Përveç Overmars, klubi anglez po e shikon me interes edhe trajnerin Erik Ten Hag. Qëllimi i pronarëve të rinj dhe tejet ambiciozë të Newcastle është rikompozimi i dyshes që ndërtoi Ajax-in këtë sezon.
Trajneri nuk duket i gatshëm të largohet nga Holanda para përfundimit të sezonit. Skenari, i rindërtuar nga gazeta holandeze, parashikon shkuarjen e Overmars në janar dhe pastaj Ten Hag në qershor.
