Shkarkon trajnerin pas 15 vitesh

Futboll

Shkarkon trajnerin pas 15 vitesh

Më: 19 nëntor 2021 Në ora: 23:52
Shkarkon trajnerin pas 15 vitesh

Oskar Tabarez nuk është më trajneri i kombëtares së Uruguait. Lajmin e bën të ditur federata në rrjetet sociale.

74 vjeçari drejtoi ‘La Celesten’ për 15 vite dhe pati suksese të mëdha, ku spikat fitorja e Kupës së Amerikës në vitin 2011. Tabarez ka drejtuar gjithashtu dhe Kaliarin dhe Milanin në vitet 90.

Në 5 ndeshjet e fundit kualifikuese për Botërorin, Uruguai mori një barazim dhe pësoi 4 humbje rresht. Si pasojë e rezultateve negative, Federata vendosi që të shkëpuste marrëdhënien me trajnerin dhe stafin e tij.

“Ne e falenderojmë dhe e vlerësojmë kontributin e Tabarez përgjatë 15 viteve të fundit. Ai na ndihmoi që të arrinim rezultate të rëndësishme duke e bërë Uruguain një prej kombëtareve më të forta në botë”, thuhej në komunikatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat