Perez ka plane të mëdha për korrikun

Futboll

Perez ka plane të mëdha për korrikun

Më: 28 nëntor 2021 Në ora: 15:41
Perez ka plane të mëdha për korrikun

Te Real Madrid, krahas punës për sezonin aktual, kanë nisur të mendojnë edhe për vitin e ardhshëm teksa presidenti Florentino Perez kërkon të bëjë një merkato yjesh për të rikthyer edhe një herë madrilenët galaktikë.

Synimin e presidentit e thekson së fundmi edhe trajneri i Los Blancos, Carlo Ancelotti i cili në një intervistë për Corriere Dello Sport, thekson se Perez ka plane të mëdha për korrikun, muaj që lidhet me merkaton e transferimeve të futbollistëve. Megjithatë, tekniku italian nuk preferoi të përmendte emra edhe pse dihet se objektiv kryesor i spanjollëve është Kylian Mbappe, por edhe Erling Haaland.

“Te Reali gjithçka është njësoj dhe e pandryshuar, të vetmit që ndryshojnë janë trajnerët. Këtu janë të njëjtit fizioterapistë, punëtorë, gazetarë. Është i njëjti vizion, e njëjta urgjencë për madhështi pavarësisht dëmit ekonomik si pasojë e pandemisë.

Për një vit, në fundin e dhjetorit 2022 do të jetë edhe Bernabeu i ri dhe Florentino ka plane të mëdha për muajin korrik. Ai ka qëllime shumë serioze. Haaland dhe Mbappe? Le të flasim më vonë për emrat”, u shpreh Ancelotti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat