Roma – Inter, format e dy skuadrave para ndeshjes së sotme

Futboll

Roma – Inter, format e dy skuadrave para ndeshjes së sotme

Më: 4 dhjetor 2021 Në ora: 10:28
Foto ilustrim

Sonte zhvillohet derbi në Itali.

Roma do të ballafaqohet me Interin në “Stadio Olimpico” nga ora 18:00.

Interi momentalisht zë vendin e tretë me 34 pikë, ndërsa Roma ka 25 pikë në pozitën e pestë.

Skuadra e Romës është duke kaluar nëpër një formë të luhatshme, pasi në 10 ndeshjet e fundit kanë vetëm katër fitore, kanë pësuar plotë katër humbje, ndërsa në dy duelet tjera kanë ndarë pikët.

Në anën tjetër Interi po kalon formë fantastike, në 10 duelet e fundit ‘Nerazzurët’ kanë tetë fitore dhe dy barazime.

Ndërsa në 10 duelet e fundit mes këtyre dy ekipeve Roma ka dy fitore, aq sa ka edhe Interi, ndërsa gjashtë ndeshje tjera kanë përfunduar baras.

Për trajneri e ‘Gjallorosëve’, Jose Mourinho, sonte do të jetë ndeshje e veçantë pasi do të luajë kundër skuadrës ku kishte fitur ‘tripletën’ e famshme në sezonin 2009/10.

Sonte pritet një përballje mjaft interesante, dhe mbetet të shihet nëse do të ketë fitues në “Olimpico”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat