Manchester City cakton çmimin e Torres

Futboll

Manchester City cakton çmimin e Torres

Më: 7 dhjetor 2021 Në ora: 15:50
Ferran Torres.

Barcelona dhe Manchester City janë 13 milionë funte larg njëra-tjetrës në vlerësimin e Ferran Torres.

Manchester City i ka caktuar çmimin sulmuesit spanjoll, Ferran Torres, i cili kërkohet me ngulm nga Barcelona.

Katalanët nuk kanë mjaftueshëm para për ta paguar kartonin e lojtarit, por po shpresojnë për një kompromis me ‘Citizens’.

Sipas raportimeve të ‘Dailymail’, Man City e vlerëson 51 milionë funte kartonin e spanjollit. Kjo është më shumë sesa dyfishi i 21 milionë funteve që e sillnin lojtarin nga Valencia te City.

Barca ka në dispozicion 38 milionë funte për të nisur në ofertën për lojtarin, i cili tashmë i ka bërë të qartë klubit të tij se dëshiron largimin.

Torres është prioriteti në listën e dëshirave të Barcës, ku janë lakuar edhe emra si Adeyemi e Olmo.

commentFirst article
Sot mund të lexoni Shfletoni kopertinat