Vllaznia hidhet në sulm

Futboll

Vllaznia hidhet në sulm

Më: 14 janar 2022 Në ora: 11:29
Vllaznia hidhet në sulm

Vllaznia ka zhvilluar dje seancën e radhës stërvitore në një prej komplekseve private të Durrës. Mësohet se trajneri Tomas Brdariç i ka pasur të gatshëm të gjithë lojtarët.

Edhe ata futbollistë që kanë pasur probleme në fillim të këtij viti si Hakaj, Aralica, Jonuzi e Gjurgjeviç, kanë bërë një stërvitje të plotë me ekipin gjatë ditës së djeshme. Trajneri Brdariç e ka fiksuar formacionin që do të hedhë nesër në “Air Albania” dhe ndryshimet do të jenë të pakta.

Me skemën 4-2-3-1, bie në sy fakti që ekipi do të ketë në përbërje katër lojtarë me tipare tërësisht ofensive nga minuta e parë dhe pikërisht emra si Da Silva, Ardit Hoxhaj, Latifi dhe Aralica. Kandidatë potencialë për një vend titullari janë edhe mesfushori Heriç e sulmuesi Çoba, të cilët janë provuar gjatë stërvitjeve nga trajneri kuqeblu.

Sot do të kryhet edhe seanca e fundit, ku do të shuhen edhe dilemat.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat