Nga Audi te avioni privat

Futboll

Nga Audi te avioni privat

Më: 17 janar 2022 Në ora: 12:34
Nga Audi te avioni privat

Goli i tij në minutën e 120-të të shtesës së dytë i çmendi tifozët e Juventusit dhe i mundësoi Interit të fitonte Superkupën e gjashtë të Italisë. Protagonisti absolut i 2-1, me të cilin zikaltrit mposhtën Juventusin, ishte Alexis Sanchez.

Sulmuesi kilian, në Milano që prej vitit 2019, ka shënuar shumë gola të rëndësishëm, por i fundit kundër bardhezinjve ishte më vendimtari nga të gjithë. E kush e di nëse ish-lojtari i Barcelonës do ta ketë festuar fitoren e trofeut me një xhiro në supermakinat e tij të shumta.

Po, sepse Sanchez është, si shumë futbollistë të tjerë, adhurues i shpejtësisë. Por jo vetëm. Në fakt, Alexis ka një afeksion të veçantë për “Audi”. Në garazhin e tij ka hapësirë për një R8 shumë të fuqishme, por edhe një A3, i cili është pjesë e segmentit sedan.

Në të vërtetë, Sanchez ka pasur të paktën disa R8, teksa i pari u shkatërrua pas një aksidenti më 2013, gjatë karrierës së tij te Barcelona. Lamborghini Huracán është e vetmja makinë e përjetësuar ndonjëherë në rrjetet sociale nga kiliani, që e bëri atë protagonist më 2016 në Miami.

Një tjetër markë e dashur për Sanchez është edhe Bentley, madje në këtë rast janë dy modele të ndryshme: Continental GT i fuqishëm me 550 kuaj fuqi dhe SUV premium Bentayga për mbi 200 mijë euro.

Në garazhin e tij është edhe një Range Rover Sport. Së fundi, koleksioni, siç është parë tashmë me Audi A3, përfshin një makinë tjetër që nuk është vërtet super, por ende e besueshme dhe me një emër të madh pas saj: Ford Focus.

Mirëpo, mjeti më luksoz i udhëtimit të Sanchez është avioni i tij privat, me ngjyrë të bardhë dhe vlerë të pabesueshme 8 milionë euro. Mes shumë pasagjerëve që hipin në të janë qentë e tij të pashmangshëm, me të cilët Alexis shpenzon shumë nga koha e lirë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat