Flet rreth jetës superluksoze me Ronaldon

Futboll

Flet rreth jetës superluksoze me Ronaldon

Më: 27 janar 2022 Në ora: 17:40
Flet rreth jetës superluksoze me Ronaldon

Xheorxhina Rodriguez, partnerja e ikonës së futbollit Kristiano Ronaldo, është një nga femrat më të ndjekura në rrjetet sociale. Luksi në të cilin ajo jeton është bërë tema kryesore e dokumentarit mbi jetën e saj që do të publikohet në Netflix në ditëlindjen e saj të 28-të. Modelja ka tregur në dokumentar detaje të reja rreth njohjes me yllin e Manchester United dhe përshtatjen me stilin e tij si futbollist.

Duke kujtuar ditët e para të romancës së tyre, kur Ronaldo e mori atë nga puna e saj si shitëse në një dyqan Guçi në Madrid, Georgina thotë: “Shkova ne pune me autobus dhe u largova me një Bugatti. Kam kaluar nga shitja e artikujve luksoz në veshjen e tyre në tapetin e kuq. Kam miliona ndjekës dhe jam gruaja e mashkullit më të famshem në botë.”

“Herën e parë që shkova në shtëpinë e Cristiano, humbja sa herë shkoja në kuzhinë për ujë. Ndonjëherë më duhej gjysmë ore për t’u kthyer te dhoma e ndenjes, sepse nuk e dija rrugën.”

Ajo thotë se iu desh kohë për t’u mësuar me stilin e tij të jetesës që vjen natyrshëm nga pasuria që Ronaldo zotëron, e një vilë luksoze në Madrid.

Rezidenca La Finca, ka pishina brenda, po ashtu edhe jashtë saj, një palestër dhe një fushë futbolli.

Në dokumentar, Georgina shprehet: “Herën e parë që shkova në shtëpinë e Cristianos, humbja sa herë shkoja në kuzhinë për ujë. Ndonjëherë më duhej gjysmë ore për t’u kthyer te dhoma e ndenjes, sepse nuk e dija rrugën. Ishte kaq e madhe. Që kur isha fëmijë, isha mësuar të jetoja në apartamente të vogla.

Pas gjysmë viti, kuptova se ku ishte gjithçka. Më pëlqen të jetoj në Torino. Gjithçka është afër. Nëse duam borë, shkojmë në dëborë. Nëse duam një ditë më kozmopolite, shkojmë në Milano, nëse duam det, shkojmë në Monako. Qëndrimi në Torino varet nga shumë gjëra, por kryesisht nga Cris. Nuk kërkoj shumë në këtë kuptim, sepse në fund të fundit, jam e lumtur në shtëpi. Unë punoj nga shtëpia, kujdesem për fëmijët e mi dhe ata janë super të lumtur kudo që shkojmë sepse ne kemi te ardhurat për t’i futur në shkollat ​​më të mira dhe në aktivitetet më të mira jashtëshkollore. Por unë do të doja të qëndroja pak më gjatë ne Torino”

“Nga shitja e artikujve luksoz kalova te veshja e tyre në tapetin e kuq. Unë kam miliona ndjekës dhe jam gruaja e mashkullit më të ndjekur në botë”, eshte shprehur ajo.

Duke dëshmuar se është më se e mësuar me stilin e jetës, Georgina thotë: “Avioni e bën udhëtimin më të lehtë. Nëse do të më duhej të isha në një aeroport për dy orë me Cristianon, do të çmendesha. Preferoj të mos udhëtoj.”

Georgina është ndoshta më e apasionuara për markat e veshjeve të saj, këpucët dhe çantat.

“I dashuroj të gjitha markat. Kam një stil shumë unik. Ata janë përpjekur të ndryshojnë stilin tim shumë herë, por nëse nuk ndihem vetvetja, nuk e vesh atë veshje. Nuk dua të ndihem e pasigurt.”

“Unë nuk e konsideroj veten një fenomen, por e konsideroj veten një grua me fat, sepse e di se çfarë është të kesh asgjë dhe e di se çfarë është të kesh gjithçka.”

Me origjinë nga Argjentina, Georgina u rrit në rajonin spanjoll të Murcias dhe gjithmonë kishte një “instinkt të fortë amësie”.

Duke kujtuar fëmijërinë e saj, ajo thotë: “Para se të shkoja në shkollë, luaja me kukullën time të vogël dhe krevatet. I lija gati, kështu që kur të kthehesha do t’i nxirrja shëtitje rreth shtëpisë sime të vogël”.

Kur bëhet fjalë për fëmijët, Georgina dëshiron ta përshkruajë jetën e tyre të përditshme si normale. Ajo thotë: “Ne jemi si çdo familje tjetër. Ne hamë mëngjes së bashku, Cris shkon në stërvitje, unë përgatis gjithçka që duhet. Nëse më duhet të kujdesem për shtëpinë, e bëj, ose pushoj, ose një udhëtim, një projekt, ose angazhohem me fëmijët e mi. Për mua, shtëpia ime është tempulli im, një vend për t’u qetësuar, aty gjej paqen që më duhet . Jam e vlerësuar, e llastuar dhe e dashuruar.

Ndonjëherë mendoj “O njeri, jam shumë e lumtur”. Unë nuk e konsideroj veten një fenomen, por e konsideroj veten një grua me fat, sepse e di se çfarë është të mos kesh asgjë dhe e di se çfarë është të kesh gjithçka. Kur isha e vogël, ëndërroja të kisha një familje të mrekullueshme, të ndërtoja një shtëpi. Kam ëndërruar për një Princ sharmant pranë meje. Dhe tani kam një, me fëmijë të mrekullueshëm që më japin kaq shumë dashuri. Dhe po, mund të them, “Ëndrrat bëhen realitet”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat