Zemërojnë Ronaldon

Futboll

Zemërojnë Ronaldon

Më: 27 janar 2022 Në ora: 20:30
Zemërojnë Ronaldon

Cristiano Ronaldo nuk ka qenë aspak i kënaqur kur ka parë se Transfermarkt e ka vlerësuar 75 milionë euro gjatë kohës që ishte tek Juventus-i, që ka shtyrë CR7 të bllokojë profilin në Instagram të faqe së njohur.

Transfermarkt ka bërë një postim me lojtarët më të shtrenjtë të Jorge Mendes dhe ylli i Manchester United u ka dërguar një mesazh privat duke u ankuar për çmimin që i kishin vënë.

“Nuk mund t’i bëjëm tag Ronaldo-s, sepse ai na ka bllokuar pasi ka parë vlerën e tij”, ka qenë komenti i Transfermarkt në postimin e tyre.

Në një deklaratë të bërë për The Athletic, koordinatori i Transfermarkt, Christian Swartz, ka zbuluar se punonjësit e faqes kanë provuar t’i shpjegojnë Ronaldo-s pse ishte vlerësuar 75 milionë euro.

“Ai i ka dërguar një mesazh në fillim stafit të rrjetit social”, ka thënë Swartz.

“Ata i janë përgjigjur, i kanë shpjeguar arsyen e vlerësimit dhe i kanë thënë ‘Mes lojtarëve të grupmoshës tënde, t’i je numri një me një diferencë të madhe’. Ai ka dërguar disa emoji me fytyrën e qeshur dhe më pas na ka bllokuar”.

Lojtari më i shtrenjtë në ekipin e Jorge Mendes ka qenë mesfushori i Manchester City-t, Bernardo Silva, i cili është vlerësuar 100 milionë euro në atë kohë.

Një vit pas publimimit të grafikës, Ronaldo u largua tek Juventus për t’u kthyer te Manchester United, për të cilët ka shënuar 14 gola në 24 ndeshje deri tani në këtë sezon.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat