Pas një pushimi dyjavor për shkak të ndeshjeve të kombëtareve, sot rifillojnë emocionet në elitën e futbollit e Maqedonisë.
Sot (ora 13:00) në program është ndeshja e parë e xhiros së 14-të, ku përballen Shkëndija e Haraçinës dhe Bashkimi i Kumanovës. Ndeshja do të zhvillohet në stadiumin e Çairit në Shkup.
Është e qartë se skuadra vendase është favorite në letër, të paktën duke u bazuar në pozitën në tabelë, por edhe në cilësinë e saj.
Shkëndija e Haraçinës synon një tjetër fitore, pas asaj të xhiros së kaluar, dy javë më parë, kur triumfoi në transfertë kundër Arsimit.
Para kësaj ndeshjeje, skuadra nga Haraçina renditet në vendin e pestë me 18 pikë, ndërsa kumanovarët ndodhen në vendin e tetë me vetëm 11 pikë.
Pikët janë shumë të rëndësishme për Bashkimin. Sigurisht që skuadra nga Kumanova do të japë maksimumin, pasi edhe ajo ka ambiciet e veta. Natyrisht, nuk duhet nënvlerësuar skuadra e Muarem Muaremit.
Pritet një përballje e fortë dhe një luftë e madhe në fushë. Ndeshja pritet të jetë e vështirë, sidomos për shkak të gjendjes së keqe të terrenit në stadiumin e Çairit, por nuk do të mungojnë emocionet dhe spektakli.
Ndeshjet e tjera të xhiros së 14-të
E shtunë:
Skopjei – Arsimi (12:00)
Vardari – Tikveshi (13:00)
E diel:
Bregallnica – Struga Trim Lum (12:00), në Shtip.
E hënë:
Shkëndija e Tetovës – Sileksi (13:00), në Arenën e Shkupit.