Shifrat zhgënjejnë turqit

Futboll

Shifrat zhgënjejnë turqit

Më: 29 janar 2022 Në ora: 11:24
Shifrat zhgënjejnë turqit

Aventura e Eraldo Çinarit në Turqi me skuadrën e Samsunspor nuk po shkon aspak sipas pritshmërive të ish-futbollistit të Partizanit.

Sulmuesi në 10 ndeshje të Ligës së Parë turke nuk ia ka dalë të gjejë asnjëherë rrugën e rrjetës me skuadrën e tij, ndërsa vetëm një asist nuk justifikon besimin e drejtuesve të klubit.

Në këtë formë, turqit janë në dyshim nëse duhet t’i besojnë edhe në pjesën e dytë të sezonit futbollistit shqiptar, i cili tashmë gjendet në një udhëkryq. Kujtojmë se lojtari ka edhe opsionin e rikthimit në Superiore aty ku Partizani e pret krahëhapur duke qenë se palët kanë kujtime të mira së bashku.

Mbetet për t’u parë tashmë nëse në ditët e fundit të merkatos do të ketë një lëvizje të 25-vjeçarit apo nëse do të qëndrojë te Samsunspor për të treguar potencialin e tij të vërtetë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat