Trajneri i Milanit, Stefano Pioli, po studion disa opsione për të befasuar Interin në derbin “Madonnina” të së shtunës.
Kjo ndeshje zhvillohet në “Giuseppe Meazza” të shtunën në orën 18:00 dhe është një përballje për titull midis dy skuadrave më të mira në Serie A në këtë sezon.
Mesfushori Frank Kessie është kthyer nga Kupa e Kombeve të Afrikës pas eliminimit të Bregut të Fildishtë dhe ai rifilloi stërvitjen me shokët e tij të mërkurën.
Loja e tij e fundit përpara se të nisej për në vendin e tij e pa atë të luante në një rol të ri si trequartist pas sulmuesve, duke zëvendësuar në mënyrë efektive Brahim Diazin.
Sipas raportimeve të fundit nga “Milanneës.it”, Pioli po e konsideron seriozisht përsëritjen e kësaj taktike në derbi, duke arritur kështu të bllokojë ndikimin e mesfushorit të Interit, Marcelo Brozovic në lojë.
Shqetësimet e tjera kanë të bëjnë me fitnesin, veçanërisht për Ibrahimovic dhe Ante Rebic, që të dy nuk janë 100 për qind në formë.
Ibrahimovic çaloi në ndeshjen e fundit kundër Juventusit me një problem në tendinën e Akilit dhe vazhdon të stërvitet veçmas nga pjesa tjetër e skuadrës.
Nëse suedezi nuk ia del, atëherë Olivier Giroud do të udhëheqë sulmin në derbin e tij të parë milanez.
