Asensio pozon përballë Duomos

Futboll

Asensio pozon përballë Duomos

Më: 29 mars 2022 Në ora: 15:59
Asensio pozon përballë Duomos

Marco Asensio ndodhet në një udhëtim në Milano. Anësori i Real Madridit ka përfituar nga ndalesa e kampionatit në funksion të kombëtareve (duke mos u thirrur nga kombëtarja spanjolle) dhe ka kaluar disa ditë relaksi në kryeqytetin lombard.

Një udhëtim kënaqësie nga futbollisti spanjollo-holandez, i përjetësuar nga postimet në Instagram nga ai dhe e dashura, Sandra Garal. Të dy shfaqen të lumtur dhe të përqafuar para Katedrales, me mesazhin reciprok: “Dashuria ime”.

Një postim social i paplanifikuar, që natyrshëm ndezi spekulime në merkaton e Milanit, bashkë me ëndrrat e tifozëve kuqezinj.

Autori i golit 4-1 të Real Madridit ndaj Juventusit në finalen e Ligës së Kampionëve 2017 është në listën e kandidatëve të kualifikuar për të veshur fanellën e Milanit sezonin e ardhshëm.

Kjo, pavarësisht se kontrata e tij nuk skadon menjëherë, por më 30 qershor 2023. Kostoja e kartonit të tij do të ishte rreth 30 milionë euro, ndërsa paga peshon 5 milionë në sezon. Mbetet të shihet si do të rrjedhin ngjarjet, teksa kuqezinjtë kanë marrëdhënie të shkëlqyera me “Casa Blanca”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat