Manchester United e shpërblen Fernandesin

Futboll

Manchester United e shpërblen Fernandesin

Më: 31 mars 2022 Në ora: 09:33
Bruno Fernandes

Manchester United ka vendosur ta shpërblejë Bruno Fernandesin për formën jetësore nëpër të cilën po kalon.

Mesfushori portugez e ka nisur këtë vit në mënyrë të shkëlqyeshme me “Djajtë e Kuq”.

Por, ai e konfirmoi formën solide edhe me Kombëtaren e Portugalisë, të cilën e dërgoi në Kampionat Botëror pasi i realizoi dy gola ndaj Maqedonisë së Veriut në finalen e “play-offit”.

E gazetari sportiv italian Fabrizio Romano njofton se futbollisti portugez ka arritur marrëveshje me gjigantin britanik për vazhdimin e bashkëpunimit.

Me këtë rast, futbollisti ofanziv do të nënshkruajë kontratë të re pesëvjeçare deri në verën e vitit 2027.

Gjuha e përbashkët është arritur në të gjitha aspektet, kështu që futbollisti kreativ shumë shpejt do ta hedhë të zezën mbi të bardhë.

Fernandes është bërë lojtar mjaft i rëndësishëm i United dhe njëri prej futbollistëve më të mirë në Premierligë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat