Prej më shumë se dy vitesh, Vincent Kompany është në krye të Anderlecht në Belgjikë. Ish-mbrojtësi i spikatur në radhët e Manchester City, klub me të cilin fitoi katër trofe të Premier League, është në eksperiencën e tij të parë në rolin e trajnerit.
Megjithatë, duket se për 36-vjeçarin mund të ketë ardhur koha e duhur për të provuar një eksperiencë më sfiduese dhe pikërisht në kampionatin më të fortë në Kontinentin e Vjetër, Premier League. Sipas The Telegraph, Kompany është kandidati numër një për të zëvendësuar Sean Dyche te Burnley.
Dyche u shkarkua nga Burnley para disa javëve për rezultate të dobta me klubin që ende nuk ka një zëvendësues për anglezin teksa aktualisht skuadra e Burnley nga tekniku i ekipit U23, Mike Jackson.
Aktualisht, Burnley po lufton për të siguruar mbijetesën në elitë dhe nëse diçka e tillë ndodh atëherë Kompany pritet të jetë “timonieri” i klubit për sezonin e ardhshëm. Ndërkaq, në klubin e Burnleyt ishte lakuar edhe emri i Wayne Rooney, megjithatë në fund drejtuesit kanë qenë në unison për emrin e Vincent Kompany.
