Gasperini: Kemi gjasa për Europën

Futboll

Gasperini: Kemi gjasa për Europën

Më: 15 maj 2022 Në ora: 22:16
Gasperini: Kemi gjasa për Europën

Atalanta u mposht nga Milan me shifrat 2-0 në takimin e luajtur në “Sa Siro”. Te besuarit e Gian Piero Gasperini nuk mundën të bënin asgjë ndaj “furisë” së kuqezinjve, me këtë të fundit që tashmë janë një pikë larg titullit të Seria A.

Pas ndeshjes, tekniku i “bergmaskëve” theksoi se Milan e meriton titullin për atë që ka dhënë gjatë gjithë sezonit, ndërsa sa i përket skuadrës së tij shpresonte kualifikimi në kompeticionet europiane.

“Milani ka qenë padyshim më i fortë, është një skuadër që e meriton titullin kampion edhe pse Interi është gjithashtu i fortë. Mendoj se ne bëmë një ndeshje të madhe, qëndruam gjatë në ndeshje deri tek goli i Theo. Atalanta e sotme më pëlqeu, Milani kishte shumë vështirësi për të goditur në portë. Jam i kënaqur”.

EUROPA- “Shanset janë ato që i tregon vetë matematika. Ne duhet të fitojmë ndeshjen e fundit dhe të shpresojmë që Roma mos të fitojë në Torino. Nuk e di çfarë do të bëjë Fiorentina, gjithashtu shpresojmë edhe që Roma të fitojë Conference League, kështu do të jemi të gjithë të lumtur.

Përtej kësaj, unë jam shumë i lumtur për sezonin e Atalantës. Ka qenë një nga më të vështirët për ne dhe djemtë kanë treguar se mund të përballojnë disa situata të niveleve të caktuara. Pozicioni në tabelën e klasifikimit është i merituar”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat