​Bellerin do të rikthehet te Arsenali

Futboll

​Bellerin do të rikthehet te Arsenali

Më: 18 maj 2022 Në ora: 21:19
Hector Bellerin

Presidenti i Real Betisit, Angel Haro ka zbuluar se i huazuari i Arsenalit, Hector Bellerin do të kthehet në “Emirates Stadium” këtë verë, pavarësisht se ai kishte një periudhë të suksesshme me skuadrën e La Ligës.

Që kur u largua përkohësisht nga “Gunners” në gusht të vitit të kaluar, 27-vjeçari ka qenë startues në ekipin e parë nën drejtimin e Manuel Pellegrini, duke bërë 32 paraqitje në të gjitha garat dhe duke ndihmuar skuadrën spanjolle të fitojë Kupën e Mbretit.

Haro nuk e ka përjashtuar mundësinë e ri-nënshkrimit të Bellerin përpara sezonit 2022-23, por pretendon se aktualisht nuk ka marrëveshje për të mbajtur mbrojtësin e djathtë, që do të thotë se ai do të kthehet në Londrën Veriore, së paku për momentin.

“Hector është një lojtar fanatik dhe një person shumë i mirë”, tha presidenti i Betisit për “Goal”. “Ishte një huazim që ne e kishim nga Arsenali, tani ai kthehet në atje dhe prej atëherë e tutje, do të shohim”.

"Është e vërtetë që ai ka qenë shumë i lidhur me gjithçka rreth Betisit, sepse, përveç kësaj, prindërit e tij janë tifozë të Betisit. Shpresojmë që ne t'i kryqëzojmë rrugët përsëri", shtoi ai.

Bellerin ka qenë me Arsenalin që në moshën 16-vjeçare dhe ka bërë 239 paraqitje për klubin në të gjitha garat, duke fituar tre FA Cup dhe tre Community Shields.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat