Trajneri portugez e mbyll Serinë A me heshtje

Futboll

Trajneri portugez e mbyll Serinë A me heshtje

Më: 21 maj 2022 Në ora: 12:53
Trajneri portugez e mbyll Serinë A me heshtje

Roma përfundoi mbrëmjen e djeshme rrugëtimin e saj në Serinë A. Skaudra verdhekuqe mposhti me rezultatin 0-3 Torinon dhe siguroi kështu nëj vend në Europa League për sezonin e ardhshëm.

Objektivi u arrit me sukses nga Murinjo, i cili arrin ta dërgojë ekipin më lart në tabelën e renditjes në krahasim me një vit më parë.

Por pavarësisht se u largua i kënaqur pas ndeshjes, trajneri portugez nuk është shfaqur në konferencën për shtyp. Gjest të cilin më parë e ka bërë në rastet kur ka pasur pakënaqësi për arbitrimin. E megjithatë, këtë herë nuk ishte kjo çështja.

Në mendjen e Murinjos tashmë qendron vetëm Tirana, prandaj “special one“ ka vendosur të bëjë heshtje shtypi deri në momentin e finales së madhe.

Portugezi ka kërkuar të njëjtën gjë edhe nga lojtarët, për të përgatitur kështu të qetë përballjen historike kundër Fejenordit.

comment Për komente lëvizni më poshtë
Sot mund të lexoni Shfletoni kopertinat