Rikthehet te Shkëndija e Tetovës

Futboll

Rikthehet te Shkëndija e Tetovës

Më: 22 maj 2022 Në ora: 15:39
Rikthehet te Shkëndija e Tetovës

Mbrojtësi kosovar, Leard Sadriu, nja nga titullarët fiks të këtij sezoni te skuadra e Skënderbeut, ka bërë të ditur nëpërmjet një postimi në rrjetet sociale se sfida ndaj Kukësit kishte qenë e fundit për të me fanellën e korçarëve, që nga edicioni i ardhshëm do të luajnë në Ligën e Parë shqiptare.

“Ishte kënaqësi që isha pjesë e kësaj skuadre.

Faleminderit Korça”, shkruante Sadriu në rrjetet sociale duke bërë kështu praktikisht zyrtar largimin e tij.

21-vjeçari Sadriu tashmë 18 muaj po luante te Skënderbeu në formë huazimi nga radhët e Shkëndijës së Tetovës, ndërsa tashmë i njëjti do të kthehet përsëri në bazë për të vazhduar karrierën e tij me tetovarët, edhe pse nuk përjashtohet edhe një huazim tjetër i tij, këtë rradhë te Ferizaji i Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat