Finalja me Liverpool, entuziazëm në rrugët e Parisit

Futboll

Finalja me Liverpool, entuziazëm në rrugët e Parisit

Më: 27 maj 2022 Në ora: 15:54
Finalja me Liverpool, entuziazëm në rrugët e Parisit

Të shtunën në mbrëmje, Real Madrid do të jetë në kërkim të titullit numër 14 në Champions League.

Në Paris të Francës, të besuarit e trajnerit Carlo Ancelotti sfidojnë Liverpoolin e Jurgen Klopp, me të kuqtë që kanë zhvilluar një nga sezonet më spektakolarë.

Megjithatë, Los Blancos e kanë treguar përgjatë rrugëtimit të tyre europian se mund të fitojnë ndaj kujtdo edhe nëse të gjithë i mendojnë të dorëzuar, ashtu siç ndodhi në gjysmëfinale ndaj Manchester Cityt.

Ndërkohë, madrilenët kanë mbërritur në kryeqytetin francez dhe entuziazmi ka qenë i madh me njerëz të shumtë të cilët mbushën rrugët për të ndjekur nga afër disa prej lojtarëve më në zë të momentit, pa harruar faktin se në radhët e Real Madrid luan edhe bashkëkombasi i tyre, Karim Benzema.

Ndaj, kanë një arsye më shumë për të mbështetur spanjollët në finalen e së shtunës ndaj Liverpool.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat