Malisheva ka arritur ta mposht Vushtrrinë me rezultat 3-1 në ndeshjen e barazhit për Superligën e Kosovës, duke siguruat biletën e fundit për qëndrim në elitë.
Pas ndeshjes ka folur trajneri, Arsim Thaqi, i cili i urojë klubit mbetjen në elitë dhe theksoi se është i kënaqur me mënyrën se si luajti klubi.
“Jam i kënaqur. Pashë një ekip që e ka dominu lojën e ka pasë qetësinë. Në momentet kur është dashtë me shënu, kemi shënu.
I uroj skuadrës së Malishevës, është historike për Malishevën, shpresojmë që vitin e ardhshëm të jetë më në formë se ç’është tash. Nuk e kemi meritu barazhin, por sido që të jetë, futbolli i ka këto. Shpresojmë që në vitin e ardhshëm të investohet më shumë në këtë klub” – tha Thaqi për Art Sport.
Malishevasit kishin zënë pozitën e tetë në renditje, ndërsa Vushtrria kishte eliminuar Lirinë në ndeshjen e barazhit të Ligës së Parë për t’u takuar në këtë ‘mini finale’ që i siguroi Malishevës biletën e fundit për Superligë.
