Sulmuesi i Mançester Sitit, Gabriel Zhezus, është lojtari i fundit, i cili i është ofruar Realit të Madridit në këtë merkato vere.
Ai i shtohet një liste të gjatë ku bëjnë pjesë edhe Rafael Leao, Sterling, Lukaku dhe të tjerë.
Por sipas “Cadena Ser”, rasti i Gabriel Zhezus është i ndryshëm nga ai i të tjerëve.
Reali me sa duket e pëlqen sulmuesin dhe duke parë se Mbape tashmë do të qëndrojë në Paris, braziliani i “Qytetarëve” mund të shihet si një alternativë e mirë në sulm.
Për më shumë, edhe vetë trajneri Ançeloti e ka dhënë miratimin e tij për afrimin e sulmuesit në radhët e Realit.
Gjithsesi, e ardhmja e tij në Madrid do të varet nga largimet e mundshme të Marianos ose Joviqit.
