​Edhe Petr Cech largohet nga Chelsea

Futboll

​Edhe Petr Cech largohet nga Chelsea

Më: 27 qershor 2022 Në ora: 10:35
​Edhe Petr Cech largohet nga Chelsea

Chelsea ka njoftuar se Petr Cech, i cili ishte këshilltar teknik dhe i performancës në këtë klub, do të largohet nga roli i tij efektiv më 30 qershor.

Që nga emërimi i tij, tre vite më parë, Cech ka dhënë këshilla dhe udhëzime për të gjitha çështjet e futbollit dhe performancës në të gjithë klubin, duke forcuar lidhjet midis ekipeve të meshkujve dhe akademisë.

Pas këtij vendimi nga ana e klubit, Chech tha se ishte privilegj për të që ta mbante këtë rol për tre vite te Chelsea dhe se u shpreh i sigurt se me pronarët e rinjë, klubin po e pret një e ardhme e mirë, përcjellë KosovaPress.

“Ka qenë një privilegj i madh të luaja këtë rol te Chelsea për tre vitet e fundit. Me klubin nën pronësinë e re, ndjej se tani është koha e duhur për mua të largohem. Jam i kënaqur që klubi tani është në një pozitë të shkëlqyer me pronarët e rinj dhe jam i sigurt për suksesin e tij në të ardhmen si brenda dhe jashtë fushës.”, tha Cech

Ndërsa, presidenti i ri i klubit, Todd Boehly, tha se Petr është anëtar shumë i rëndësishëm i klubit dhe e ka falenderuar atë për kontributin e dhënë.

“Petr është një anëtar i rëndësishëm i familjes Chelsea. Ne e kuptojmë vendimin e tij për t'u larguar dhe e falënderojmë për kontributin e tij si këshilltar dhe përkushtimin e tij ndaj klubit dhe komunitetit tonë. I urojmë atij më të mirën”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat