Mankenda largohet nga Prishtina

Futboll

Mankenda largohet nga Prishtina

Më: 29 qershor 2022 Në ora: 17:18
Mankenda

Gauthier Mankenda është një ndër lojtarët që ka dhënë kontribut të jashtëzakonshëm për FC Prishtinën në shtatë vitet e fundit.

Sulmuesi nga Kongo në këtë verë ka vendosur që të ndërrojë mjedis duke u transferuar në Letoni te skuadra Liepaja.

"“Maki” pjesë e FC Prishtina ka qenë që nga janari i vitit 2016 ndërkohë që në total i ka regjistruar 166 paraqitje.

Me fanellën e kryeqytetasve ka shënuar 32 gola dhe ka kontribuar me 27 asistime.

24-vjeçari gjatë këtyre viteve e ka fituar titullin kampion dhe Superkupën e Kosovës me Prishtinën.

Te Prishtina do të mbahet mend si njeri me shumë vlera dhe futbollist korrekt.

Stafi i FC Prishtinës e falënderon përzemërsisht për të gjithë kontributin e dhënë për skuadrën e qytetit", njofton FC Prishtina.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat