Monza po tregohet shumë aktive

Futboll

Monza po tregohet shumë aktive

Më: 3 korrik 2022 Në ora: 15:06
Monza po tregohet shumë aktive

Monza po tregohet shumë aktive gjatë kësaj merkatoje, me drejtuesit që po ndërtojnë një skuadër konkurruese në Seria A, duke transferuar lojtarë të rëndësishëm në gjirin e tyre.

Ditët e fundit në skenë ka dalë edhe emri i Icardit si një përforcim në fazën e sulmit. Nuk është e pamundur, por rroga e lart që argjentinasi merr te PSG e bënë të paaritshëm këtë transferim. Megjithatë, kjo vetëm në rast se Monza mbulon gjithçka, por plani i Gallianit, i cili ka nisur kontaktet me Ëanda Naran për sulmuesin është tjetër.

Ai dëshiron që një pjesë të rrogës së Icardit ta paguajë PSG, ndërsa Monza do të paguajë për huazimin një-vjeçar të lojtarit. Çmenduria megjithatë shkon edhe më tej.

Galliani ka nisur kontaktet edhe me agjentin e Dybalës për të krijuar në sulm dyshen Dybala-Icardi. Për shumë duket një çmenduri dhe e pamundur, por megjithatë, Adriano Galliani dhe Silvio Berlusconi po provojnë surprizën më të madhe të kësaj merkatoje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat