Chelsea mbetet favorit për transferimin e Matthijs de Ligtit.
Klubi londinez në fakt është përpara Bayern Munichut për qendërmbrojtësin e Juventusit.
Lajmin e ka bërë të ditur portali “Goal.com”.
“Blues” e shohin përfaqësuesin holandez si udhëheqës të mbrojtjes së tyre së bashku me Thiago Silvan në edicionin 2022/23.
Lejen për blerjen e ish-futbollistit të Ajaxit e ka dhënë edhe pronari i ri i Të Kaltërve, Todd Boehly, i cili e bleu klubin nga miliarderi rus, Roman Abramovich.,
Ndërkohë, edhe gjiganti bavarez qe një kohë është duke e kërkuar futbollistin, i cili nuk konsiderohet si i pashitshëm nga “Zonja e Vjetër”, që mund të heq dorë nga ai për një ofertë të kënaqshme.