Italia nuk ka më para

Futboll

Italia nuk ka më para

Më: 7 korrik 2022 Në ora: 11:29
Italia nuk ka më para

Rudolf Joseph Krol veshi për katër sezone radhazi fanellën e Napolit në vitet ’80 (1980-1984). Ish-anësori i majtë holandez u shpall dy herë nënkampion bote me kombëtaren tulipanë (1974, 1978), duke iu afruar shumë fitimit të Kupës së Botës.

Verën që u largua nga Napoli aty zbarkoi Diego Maradona, i cili shkroi historinë më të bukur të klubit italian. Në një prononcim për 1 Football Club, Krol deklaroi se kampionati italian është i barabartë me Bundesligën gjermane.

“Në vitet ’80 Italia u mbush me futbollistët më të fortë. Që prej momentit që Messi zgjodhi të luante në Spanjë, diçka ndryshoi. Në atë moment u bë e qartë se nga ana ekonomike, Italia nuk ishte më në vendin e parë.

Aktualisht kampionati më i mirë është Premier League, kryeson mbi të tjerët. Pastaj vjen La Liga, ndërsa në vend të tretë vendos Serie A dhe Bundesligën, janë në të njëjtin nivel”, deklaroi Krol.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat