Larsson transferohet në Bundesliga

Futboll

Larsson transferohet në Bundesliga

Më: 5 gusht 2022 Në ora: 00:25
Larsson

Jordan Larsson, djali i ish-sulmuesit të famshëm suedez, Henrik Larsson, transferohet në Bundesligë.

 

Mediat gjermane konfirmojnë se 25-vjeçari pritet të kryejë vizitat mjekësore dhe të firmosë një kontratë 3-vjeçare me Schalke 04, klub i saporikthyer në elitën e futbollit gjerman.

Jordan Larsson luan sulmues, ashtu si i ati, por deri tani nuk ka qenë edhe aq i suksesshëm, teksa deri në janar të 2022-shit ishte pjesë e Spartakut të Moskës, por u largua që atje pas nisjes së luftës në Ukrainë dhe luajti 6 muaj në huazim te AIK.

Babai i tij, Henrik Larsson ka qenë sulmues legjendar i Suedisë dhe ka shkëlqyer me fanellën e Barcelonës, ndërsa aktualisht bën rolin e menaxherit për të birin, Jordan, që te Schalke ka shansin të ndryshojë rrjedhën e karrierës.

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat