Lëvizja e re e Barcës pritet të ndodh javën e ardhshme

Futboll

Lëvizja e re e Barcës pritet të ndodh javën e ardhshme

Më: 10 gusht 2022 Në ora: 14:44
Marcos Alonso

Marcos Alonso do të jetë një lojtar i Barcelonës javën e ardhshme. AS shkruan se këtë të martë trajneri Xavi Hernandez ka folur me anësorin e Chelsea-t për t’i shpjeguar detajet e mbërritjes së tij në klubin “Blaugrana”.

Synimi është që të zgjidhen problemet e fundit me klubin anglez këtë fundjavë. Barça shpreson të marrë lojtarin për 8 milionë euro dhe në fillim të javës së ardhshme të zbarkojë në Barcelonë, të firmosë kontratën (2+1) dhe të prezantohet.

Xavi dëshiron ta ketë sa më shpejt Marco Alonson nën urdhrat e tij, mundësisht që për ndeshjen e javës së dytë të La Ligas, kundër Real Sociedadit në “Anoeta”, më 21 gusht.

Prania e Marcos Alonso shton konkurrencën në krahun e majtë, aty ky Jordi Alba nuk ka rivalë prej kohësh.

Zbarkimi i Marcos Alonso mund të mos jetë i fundit këtë verë te Barcelona. Nëse arrihet marrëveshja për shitjen e Frenkie de Jong, Xavit mund t’i bëhet “dhuratë” Bernardo Silva, aktualisht pjesë e Manchester City-t.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat