Interi përfiton 20 milionë €

Futboll

Interi përfiton 20 milionë €

Më: 10 gusht 2022 Në ora: 17:49
Interi përfiton 20 milionë €

Interi ka shituar Andrëa Pinamontin. Drejtuesit e klubit zikaltër kanë arritur akordin me homologët e Sassuolos mbi bazën e 20 milionë eurove përfshirë bonuset sipas raportimeve të Sky Sport.

Sulmuesi italian kërkohej edhe nga Atalanta, por karriera e tij do të vazhdojë të Sassuolo, ekip ku do të zëvendësojë Raspadorin, i cili është drejt transferimit te Napolit.

Pinamonti e kaloi sezonin e fundit në huazim tek Empoli, teksa shënoi 13 gola në Serie A me skuadrën toskane. 23-vjeçari është grumbulluar nga Mancini te kombëtarja italiane, por ende nuk ka debutuar me të kaltrit.

Një afrim cilësor për Sassuolon, që shiti Gianluca Scamacca tek anglezët e West Ham për 36 milionë euro. Pinamonti do të kryejë testet mjekësore të enjten.

Më pas do të vijë firma në kontratë (4+1 vite), teksa sulmuesi do të përfitojë rreth 2 milionë euro në sezon nga marrëveshja e arritur me Sassuolon.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat