Kërkon 100 milionë për titullarin e skuadrës

Futboll

Kërkon 100 milionë për titullarin e skuadrës

Më: 16 gusht 2022 Në ora: 17:29
Kërkon 100 milionë për titullarin e skuadrës

Nëse te Barcelona mendojnë se mund ta bëjnë të vetin mesfushorin Bernardo Silva për 50-60 milionë euro, gabohen. Mançester Siti nuk ka ndërmend të bëjë ulje për klubin katalanas dhe nëse Barça dëshiron vërtet të ketë shërbimet e mesfushorit portugez duke nisur nga ky sezon, duhet të derdhë jo pak, por plot 100 milionë euro në llogarinë e “Qytetarëve”.

Bernardo Silva po kërkohet me ngulm nga trajneri i katalanasve, Ksavi, por transferimi i mundshëm i tij në “Camp Nou” varet nga disa faktorë. Në radhë të parë varet nga buxheti i Barcelonës.

Katalanasit kanë shpenzuar mbi 150 milionë euro deri më tani në merkato dhe një tjetër shpenzim luksi do të ishte i tepërt. Në radhë të dytë, shumë gjëra do të varen nga operacioni “largimet”.

Barcelona duhet të largojë disa lojtarë nëse dëshiron të federojë fillimisht Kundenë dhe më pas të mendojë për afrimin e Silvës, pa harruar këtu dhe Markos Alonson. E treta ka të bëjë me vetë Mançester Sitin, që nuk ka ndër mend të ndryshojë qëndrim për mesfushorin e vet: ose 100 milionë euro, ose asgjë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat