Xherard Pike dhe Serxho Buskets janë në “gatishmëri” dhe në pritje të ofertave të radhës nga Barcelona në lidhje me kontratat e tyre dhe uljen e mundshme të pagës.
Por siç ka bërë me dije “Mundo Deportivo”, një marrëveshje me dy nga kapitenët e klubit duket e vështirë kur kanë mbetur dhe dy javë nga mbyllja e merkatos.
Te Barça e kanë kuptuar se varianti më i mirë i mundshëm për të kursyer para dhe për të mundësuar federimin e Kundesë nuk është marrëveshja me Pike e Buskets, por shitja e lojtarëve të padëshiruar.
Gjithsesi, klubi nuk ka hedhur gjithçka poshtë dhe negociatat me dy lojtarët mund të rifillojnë në çdo moment, pavarësisht hapave të ngadaltë.
