Eduards për Manajn: Jam i lumtur për të

Futboll

Eduards për Manajn: Jam i lumtur për të

Më: 18 gusht 2022 Në ora: 20:50
Eduards për Manajn: Jam i lumtur për të

Rey Manaj shënon golin e parë në Angli. Sulmuesi shqiptar devijoi në rrjetë një goditje të Seman ë ndeshjen mes Birminghamit dhe Watfordit, por në protokoll fillimisht goli nuk iu akordua Manajt.

Ndonëse ky i fundit ishte i bindur për prekjen e topit dhe festoi si të tijin, nuk menduan kështu zyrtarët e ndeshjes, që edhe në protokoll shënuan emrin e Sema si autor të golit.

Megjithatë pas rishikimit të aksionit me kujdes, liga vendosi t’ia akordojë atë sulmuesit shqiptar, që në këtë mënyrë merr edhe zyrtarisht meritat për dërgimin e topit në rrjetë dhe dhënien e një pike skuadrës së tij.

“Ai ishte shumë i qartë që në fillim.Është një shtysë e rëndësishme për të dhe padyshim që ne kemi nevojë për njerëz që të shënojnë gola.

Ai është një tjetër lojtar që vjen nga një vend i huaj dhe ne tashmë kemi krijuar një grup konkurrues.

Duhet ta fitosh vendin në ekip dhe duhet ta fitosh duke punuar shumë dhe duke qenë një person i besueshëm dhe një lojtar skuadre. Dhe kur ai hyri në lojë, i tregoi këto gjëra dhe u shpërblye me gol gjithashtu. Jam i lumtur për të, ai duhet të vazhdojë kështu”, tha trajneri Rob Eduards për Manajn.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat