Muriqi: Na dhemb kjo humbje

Futboll

Muriqi: Na dhemb kjo humbje

Më: 24 shtator 2022 Në ora: 22:17
Muriqi

Vedat Muriqi gjeti golin e radhës me Kosovën, por realizimi fantastik i sulmuesit të Mallorcas nuk i shërbeu Kosovës të merrte pikë në takimin në Irlandës së Veriut.

Ishullorët fituan 2-1 me përmbysje në fushën e tyre në sfidën e Nations League, rezultat që ka shkaktuar mërzitje të madhe te sulmuesi potent nga Prizreni, i cili komentoi duelin e sotëm për mikrofonët e SuperSport.

“Nuk e merituam humbjen. Kemi pasur një super ndeshje, në çdo repart. E dinim se ata do të na sulmojnë me harkime.

Në sekondat e fundit shënuan pas një krosimi. Ndihemi keq, me të vërtetë. Na dhemb shumë, sepse nuk e merituam humbjen.

E dija që do të ishte ndeshje e fortë fizike dhe isha i gatshëm. Kisha duele me Jonny Evans. Disa i humba, disa i fitova. Por, ata morën rezultatin në fund dhe fituan ndeshjen.

Tani do të bëhemi gati sepse e dimë që ndeshja ndaj Qipros, mos ta teproj, por është si jetë a vdekje. Po ta kishim fituar këtë lojë, ndoshta do të thosha se do të ishte më e lehtë, edhe psiqikisht edhe fizikisht. 

Tani nuk kemi opsion tjetër. Në Prishtinë përpara tifozëve tanë, do të shkojmë vetëm për fitore”, deklaroi Vedat Muriqi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat